Бабунски не е повеќе фудбалер на романскиот Виторул
Денеска Виторул Констанца објави на својот клупски сајт дека клубот ќе го напуштат четири играчи…
Помеѓу нив е и македонскиот Давид Бабунски кој потпиша договор со оваа екипа во минатата зима, но нема да го одработи истиот до крај кој важеше до 2023 година.
Двете страни се одлучија за прекина на соработката, минатата сезона нашиот 27-годишен играч имаше 13 настапи во првенството каде што успеа да обезбеди опстанок.
Останува да се види каде Бабунски ќе ја продолжи кариерата, претходно беше дел од вториот тим на Барселона, па се пресели во Црвена звезда.
Играше во Јапонија за Јокохама Ф. Маринос и Омија Ардија, се врати на европско тло, во Романија со две сезони во дресот на Ботошани, пред да го облече дресот на Виторул.