„Астра-Зенека“ ги објави резултатите од студијата: Терапијата со антитела не успеа да спречи развој на ковид 19
„Иако лекот не ја исполни примарната цел во спречување појава на симптоми, охрабрени сме од заштитата што терапијата АЗД7442 им ја пружи на учесниците со негативен ПЦР тест“, рече Мене Пангалос, извршен потпретседател за истражување и развој во Астразенека.
Владата на САД го поддржа развојот на АЗД7442.
Астразенека постигна договор со Соединетите Држави во март за испорака на половина милион дози на лекот, а во вторникот беше објавено дека во тек се преговори со американската влада за понатамошни чекори.
Ривалските компании Регенерон фармасутикалс и Ели Лили развија слични производи кои се состојат од моноклонални антитела и се одобрени за употреба во САД.
Терапијата со моноклонални антитела е класифицирана како група на лекови кои имитираат природни антитела, кои телото ги произведува во борба против инфекцијата.
Европската агенција за лекови (ЕМА) ја одобри терапијата со Регенерон и сега проучува слични лекови од Ели Лили, Целтрион и еден лек развиен од Глаксо-Смит-Клајн и Вир бајотехнолоџи.