Анри, Бергкамп и Виера го враќаат Арсенал на старите добри патеки!?
Стен Кроенке со години е омразена личност во очите на навивачите на Арсенал. Последниот обид за револт во клубот и влез во Европската Суперлига само ја продлабочи таа омраза.
Не се дојде до елитното натпреварување, навивачите на Арсенал со денови протестираа пред стадионот. Покрај идејата за заминување, клубот со сезони бележи резултати под очекувањата. Така е и оваа година, Арсенал е моментно на 10 место во Премиер лигата, а им следува полуфинале од Лигата на Европа, каде ќе играат против Виљареал на поранешниот менаџер на „топџиите“, Унаи Емери.
Кроенке е мнозински сопственик на Арсенал од 2011 година, a тоа наскоро може да се промени, на задоволство на навивачите.
Англискиот „Телеграф“ наведува дека Даниел Ек, основачот на „Спотифај“ и милијардер, е заинтересиран да го преземе англискиот клуб.
Богатството на Швеѓанецот се проценува на над 3,4 милијарди, додека апликацијата „Спотифај“ е проценета на 51,9 милијарди фунти. Ек исто така би имал голема предност доколку испрати официјална понуда.
🚨 BREAKING 🚨
Daniel Ek, Spotify’s billionaire founder, is working with Thierry Henry, Dennis Bergkamp & Patrick Vieira to launch a potential takeover bid of Arsenal pic.twitter.com/sqqQk4cR1O
— Football Daily (@footballdaily) April 26, 2021
Ек, наводно, соработува со Тјери Анри, Денис Бергкамп и Патрик Виера. Триото на тој начин би се вратил во клубот во чии бои беа „непобедливи“ во сезоната 2003/2004 кога ја освоија титулата со Арсенал без ниту еден пораз во лигата. Тие би заземале важни позиции во бордот на директори, што многу би ги израдувало навивачите.
Сето ова доаѓа неколку дена по објавата на Џош Кроенке, директорот на клубот, дека Арсенал не е на продажба. Се верува дека продолжувањето на протестите пред „Емирати“ може да ја промени таа одлука.