По поразот од Азербејџан во првото коло, женската фудбалска репрезентација на Македонија денеска славеше победа во Битола и убедливо ја совлада селекцијата на Андора со 3-0.

Македонските фудбалерки имаа целосна контрола на теренот и заслужено стигнаа до триумфот, а со оглед на бројните создадени можности победата можеше да биде и поубедлива.

Резултатот го отвори Теона Галабовска во 17. минута од натпреварот. Само три минути подоцна таа се најде во улога на асистент, а мрежата ја затресе Симона Мејер за водство од 2:0. Со таа предност избраничките на селекторот Андов заминаа и на полувреме.

Конечните 3:0 ги постави 17-годишната Меланија Грозданова, која во 83. минута постигна убав погодок.

Во следното коло, на 14-ти следниот месец, Македонија повторно ќе игра пред домашната публика, а противник ќе биде Унгарија.