Американската разузнавачка агенција го објави својот годишен извештај, во кој се изразува загриженост дека Западен Балкан може да се соочи со етнички конфликти во текот на 2024 година.

Извештајот предвидува дека до 2024 година регионот би можел да биде место на локализирано меѓуетничко насилство.

Како што се истакнува во документот, националистичките лидери во регионот можат да ги влошат тензиите за да добијат политичка предност и да манипулираат со влијанието на надворешните актери.

Според објавените податоци, оваа манипулација ќе има за цел да ги зајакне и да ги искористи етничките разлики од различни причини, вклучително и зголемување на регионалното влијание или попречување на понатамошната интеграција на Балканот во Европската унија и евроатлантските структури.

Today, ODNI released the U.S. Intelligence Community’s 2024 Annual Threat Assessment. Read the report here: https://t.co/AlLUbVUVnr pic.twitter.com/0r9OtLwATw

— Office of the DNI (@ODNIgov) March 11, 2024

Извештајот се однесува на неодамнешните настани во регионот, како што е нападот на Бањска во Косово каде беше убиен полицаецот Африм Буњаку и тензиите од мај 2023 година, кога во судирите меѓу КФОР и српските демонстранти на северот на Косово беа повредени десетици мировници.

„Судирите меѓу српските националисти и косовските власти предизвикаа загуби на животи и повреди, вклучително и повреди на мировниците на НАТО во 2023 година“, се додава во извештајот.

Извештајот, исто така, изразува загриженост за деструктивните дејства на српскиот лидер во Босна и Херцеговина, кој беше обвинет за преземање провокативни чекори насочени кон неутрализирање на меѓународниот надзор во Босна и обезбедување на де факто одвојување на Република Српска.

-Овие акции би можеле да ги поттикнат водачите на босанското (муслиманско) население да ги зајакнат своите одбранбени капацитети, ризикувајќи да избувнат насилни конфликти кои би можеле да го оспорат присуството и напорите на мировните сили, стои во извештајот.