Џудистот од Алжир, Фети Нурин се откажа од настапот на Олимписките игри во Токио после одржаната жрепка поради можноста за борба против израелскиот претставник Тохар Бутбул.

Нурин го доби Суданецот Мохамед Абдалрасоол за свој противник во првото коло во категоријата до 73 килограми, а победникот од тој натпревар би се борел со Бутбул во четвртфиналето, кој е слободен во првото коло.

– Вложивме многу напор да дојдеме на Игрите, а потоа бевме шокирани од оваа вест. Но, мојата одлука е конечна затоа што не сакам да ги валкам рацете – рече Нурин и додаде дека неговата политичка поддршка за Палестинците не му дозволува да се бори против Израелецот.

Нурин се повлече од настап од истата причина за време на Светското првенство во 2019 година во Токио.