Алкалоид е последниот полуфиналист на Ф4 турнирот од Купот
Ракометниот клуб Алкалоид денеска успеа да обезбеди пласман на Фајнал фор турнирот од Купот на Македонија.
Играчите предводени од тренерот Кирил Лазаров во рамките од групата „2“ славеа над РК Бутел Скопје со резултат 23:20.
По првото полувреме водеа ракометарите на Бутел Скопје со два голови разлика (11:9).
Во салата „Автокоманда“ во победничките редови доминираше Серафимов со девет голови, три имаа Младеновиќ и Митев, а се истакна и голманот Трајкоски со 13 одбрани.
На спротивната страна Ѓоргиевски реализираше шест, додека Субашевски пет погодоци.
Завршницата од Купот на Македонија ќе се игра во месец мај. Покрај РК Алкалоид, на Ф4-турнирот ќе играат и РК Еурофарм Пелистер, РК Вардар 1961 и ГРК Тиквеш.