Екипата на Лидс речиси му ги уништи шансите на Тотенхем да остане во трката за четвртото место на табелата откако во 35 коло го совлада со 3:1. Голем удел во победата имаше и македонскиот репрезентативец Езџјан Алиоски кој забележа асистенција, и тоа при постигнување на вториот гол.

Лидс поведе во 13 минута со голот на Далас, но Тотенхем измрани во 25 минута преку Сон. Во последните моменти од првото полувреме, Бамфорд на асистенција на Алиоски му донесе нова предност на Лидс. Победата беше заверена во финишот на натпреварот кога Родриго го постави конечниот резултат.

Со новите три бода, Лидс се искачи на деветтото место на табелата со 50 бода, додека Тотенхем остана на 56 бода и со многу мали шанси да дојде до четвртото место на табелата кое носи пласман во ЛШ. На три кола до крајот, Тотенхем има пет бода помалку од чевртопласираниот Челси кој има и натпревар помалку.