Алиоски и Лидс доброволно побараа намалување на платите
Фудбалерите на Лидс и членовите на стручниот штаб доброволно решија да имаат помала заработка во наредниот период, со цел клубот да функционира непречено…
Многу спортски натпреварувања се одложени, прекинати поради епидемијата на коронавирусот, така и англискиот фудбалски Чемпионшип.
Во овој период коронавирусот сигурно негативно влијае и на финансиски план во многу спортски клубови, се наоѓаат во загуба.
Играчите на многу тимови, како и членовите на стручниот штаб се согласуваат за кратења на платите, а сега тоа го стори и Лидс.
Менаџерот Марсело Биелса и неговите играчи ќе заработат помалку, така што клубот непречено да им исплати на 270 вработени во клубот.
– Моите играчи покажаа неверојатно чувство за единство и заедништво. Благодарност до Марсело, неговите соработници и играчите што го поставија целиот тим на прво место и затоа што се грижат за семејството – рече фудбалскиот директор, Виктор Орта.
Лидс во чии редови е и македонскиот репрезентативец Езгјан Алиоски до прекинот на сезоната се наоѓаше на првата позиција со 71 бод, еден повеќе од второпласираниот ВБА и се на добар пат да обезбедат учество во Премиер лигата наредната сезона.