Казната за шетање по Будва во костим за капење е 200 евра и тоа важи за туристите и мештаните, одлучи Собранието на општина Будва, а одлуката е објавена во Службен весник.

Според Одлуката за комунален ред, во просторот за капење можете да престојувате само во костим за капење.

Казните се поригорозни во однос на санкциите предвидени во претходната одлука, пренесува Танјуг. За почитување на оваа одредба одговорни се општинската инспекција и полицијата на општина Будва, објасни градоначалникот Милош Тајиќ, пренесе порталот Приморски бар.

Со усвојување на оваа одлука во локалниот парламент, Будва им се придружи на Сплит и Дубровник, кои воведоа казни за голите туристи, при што казната изнесува 130 евра во Дубровник и 150 евра во Сплит, пренесува Танјуг.