Австриската полиција уапси повеќе луѓе, меѓу кои и едно лице со потекло од Босна и Херцеговина и едно со српско потекло, во врска со аферата „Ибица“. Во центарот на скандалот кој ја стресе австриската политичка сцена беше тогашниот лидер на Народната партија на Австрија (ФПО) Хајнц Кристијан Штрахе, пренсе Н1.

Приведени се повеќе луѓе од опкружението на приватниот детектив кој е одговорен за снимање на настаните на Ибица од пред две години, кога Штрахе ѝ вети на наводна внука на руски милијардер државни работи во замена за финансиска поддршка за неговата партија.

Според документите на австриското обвинителство, се претпоставува дека уапсените имале намера за пари да го уценуваат Штрахе, пренесува „Танјуг“.

Штрахе по појавувањето на видео-снимката поднесе оставка на сите политички функции, а на Владата на канцеларот Себастијан Курц ѝ беше изгласана недоверба.

Меѓу осомничените се наоѓа и директор на една консалтинг-фирма, како и негова соработничак, инаку поранешна девојка на детективот.