Абазовиќ за апсењето на водачот на Кавачкиот клан: Акцијата не завршува, денес ќе има претреси на повеќе локации
Вицепремиерот на Црна Гора, Дритан Абазовиќ, денеска изјави дека апсењето на наводниот водач на криминалниот Кавачки клан, Слободан Кашчелан е најголем успех на црногорската полиција во последните десет години.
– Не би сакал да навлегувам во детали, бидејќи акцијата не е завршена. Денеска ќе се вршат претреси на повеќе локации – рече тој.
Според „Вијести“ Абазовиќ изјавил дека Црна Гора ќе се бори против криминалот дури и ако има опструкции.
– Раката на правдата дефинитивно се придвижи – рече тој.
Да потсетиме, Слободан Кашчелан, озлогласениот водач на Кавачкиот клан е уапсен синоќа во Црна Гора. Во голема полициска акција беа уапсени и Владимир Вучковиќ, Милош Радоњиќ и Крсто Марош.