Зошто Мета и Харадинај се сретнаа во еден ресторан во Приштина? – Слободен печат
ВестиРегион

Зошто Мета и Харадинај се сретнаа во еден ресторан во Приштина?

Мета беше меѓу првите политичари кои реагираа по оставката на Харадинај.

Албанскиот претседател, Илир Мета, се сретнал во Приштина со косовскиот премиер во оставка, Рамуш Харадинај. Веста ја објави самиот Харадинај преку постирање на Фејсбук, објавувајќи и фотографии од средбата.

– Посебно задоволство да го сретнам вечерва во Приштина, претседателот на Албанија, Илир Мета, заедно со ќерката Бора. Добар повод за размена на мислења за политичката реалност во Косово, Албанија и во регионот. Во процесите низ кои минува Косово, заедничкиот ангажман во пресрет на предизвиците го засилува албанскиот фактор – пишува Харадинај.

Како што се гледа и од сликите, средбата е реализирана во еден од рестораните во Приштина, јавува Балканвеб.

Преку статус на Фејсбук, Мета рече дека е среќен што се сретнал со Харадинај во Приштина.

– Среќен сум што се сретнав денеска со премиерот Рамуш Харадинај во Приштина. Горд со неговиот инспиративен карактер! – пишува Мета. Инаку, Мета беше меѓу првите политичари кои реагираа по оставката, верувајќи во невиноста на Харадинај.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close