Традиционално, како и секоја година, Град Скопје им додели признанија на најдобриот полицаец, пожарникар и крводарител.

Пожарникарот-спасител Зоран Рајчин, во знак на благодарност за посветената работа и пожртвуваност ја доби наградата за најдобар пожарникар за 2019 година.Тој има 26 годишно искуство, и бил во многу акции за гаснење пожари и спасување.

Наградата за најдобар полицаец отиде во рацете на Душко Кикеновски од полициската станица Центар. Тој полициската униформа ја носи четири години, период во кој многу пати спречил престапници во извршување на кривични дела.

Крводарителот Арјис Асани 218 пати дарувал крв. Во чест на тоа градоначалникот Петре Шилегов денеска му додели благодарница, и повика неговото хумано дело да го следат и останатите граѓани.