Мислам дека тоа е продолжување на идеата на СДСМ и пред сè на Зоран Заев, за создавање на амбиент или општество за сите и тој концепт подразбира една посериозна, формална соработка помеѓу политички субјекти од различна етничка, политичка, социјална провиниенција, вели во „Утрински брифинг“ на „Слободна ТВ“, политичкиот аналитичар, Насер Зибери.

-Оттука сметам дека ова е еден сериозен чекор напред во развивањето на тој концепт каде што разликите по било кој основ нема да бидат основ за градење на едно општество за сите- изјави во политичкиот аналитичар, Насер Зибери, околу неговата проценка за иницијатива (без преседан) на македонската политичка сцена во изминативе 30 години – да се направи една предизборна македонско-албанска коалиција.

Во минатото, вели Зибери, ние сме имале соработка и тоа сериозна помеѓу политичките партии, но тоа повеќе било „underground“, не траснспарентно, неформално.

-Сметам дека ова е многу поразлично од причина што однапред граѓаните знаат на што се. Не се прави скришно од јавноста. Не се помагаат партиите надвор од она што е јавност, туку напротив чесно, создаваат платформа/декларација, на кои основи ќе делува таа коалиција- вели Зибери.