Лаура Маци мислела дека нејзиниот син има бујна фантазија кога почнал да и збори за своите мемории. Детето постојано повторувало дека живеело во нејзиниот стомак и умрело, заради што неговата мајка се замислила, бидејќи не можел да знае дека пред да го роди имала спонтан абортус. Таа никогаш не му зборела за тоа, а детето целото време тврдело дека се сеќава на својот претходен живот.

Своето искуство го споделила на Фејсбук:

„Пред да останам трудна со Лука имав обилно крварење. Се сеќавам дека првиот тест за бременост беше позитивен, но неколку дена се чувствував лошо и имав силни болки. Тогаш не бев сигурна за што се работи, иако денеска сум попаметна.

Набргу потоа повторно затруднев, со Лука. Знам дека Лука ја одел Земјава и претходно. Можам дури да кажам и како изгледал. Тој е како мал старец, отсекогаш бил мудар и зборел некои навистина смешни работи. Дури и пееше некои стари песни, кои не би можел да ги чуе за своите четири години. Но, вечерва во када рече нешто што навистина ме шокираше и ме натера да верувам дека тој е стара душа.

Ме праша: „Мамо, дали ние живееме во Австралија?“, а потоа рече: „Мамо, знаеш, живеев во твојот стомак… Бев таму, но умрев“. Бев шокирана со неговата изјава па го прашав: „Како мислиш, па ти си овде?“, па тој рече: „Не мамо, дојдов во твојот стомак, па умрев. Бев да те побарам, ама не можев да те најдам, отидов во твојата куќа, бев секаде, но не можеше да ме чуеш кога те викав. Бев многу тажен, но тогаш станав ангел. Ми недостасуваше и сакав да ти се вратам, а потоа повторно бев бебе во твојот стомак и повторно се родив. Не бев на небото, бев во Австралија и потоа повторно бев твое дете и среќен сум сега што можам да пораснам“.

Само се загледав во него и плачев. Никогаш не сум разговарала со него за ангели или било што слично. Нашите бебиња знаат кого сакаат за мајка, уште пред да дознаеме дека тие постојат. Ова е доказ дека тие не бираат нас и дека нивните души се со нас во овој или следниот живот.“