Бразилскиот претседател Жаир Болсонаро поминал успешна операција на абдоминалната хернија во болница во Сао Паоло, соопштено е од неговата канцеларија.

Ова била вкупно четврта операција на Болсонаро, откако беше убоден со нож минатата година, уште додека беше кандидат за претседател, потсетува агенцијата АП.

Како што се пренесува, докторите соопштиле дека хернијата (килата) се развиле во пределот на стомакот, каде Болсонаро бил убоден. Хируршката интервенција траела пет часа, а изведен е ден откако Болсонаро ја предводил прославата за Денот на независноста во Баразил.

Бразилскиот претседател минатата година за време на еден предизборен собир беше убоден во стомак, но мажот кој е обвинет за нападот потоа беше ослободен, откако судот пресудил дека се работи за ментално непресметлива личност.