Зариф: Европејците не ги исполнија обврските од договорот
Европејците не успеаја целосно да ги исполнат своите обврски кон иранскиот нуклеарен договор, изјави денеска иранскиот министер за надворешни работи Мoхамед Џавад Зариф, како одговор на предупредувањето од Унијата, која побара од Техеран да се придржува кон договорот или ќе има последици.
– Целосно исполнување на обврските. Навистина? Ајде покажете една што вие сте ја исполниле во последните 18 месеци. Иран го придвижи механизмот за решавање на спорови, а вие одолговлекувавте. Ние сега се повикуваме на членот 36- напиша Зариф на Твитер.
To my EU/E3 Colleagues
1.”Fully upheld commitments under JCPOA”
YOU? Really?
Just show ONE that you’ve upheld in the last 18 months
2.Iran triggered-& exhausted-dispute resolution mechanism while you were procrastinating
We’re now using para36 remedies
Look at my 6/11/18 letter pic.twitter.com/G6n4hwqS6s— Javad Zarif (@JZarif) November 12, 2019
Иран наведува дека според членот 36 од договорот му се овозможува да ги намали своите обврски, бидејќи останатите потписнички не се придржуваат. ЕУ тоа го оспорува.
Некои ирански претставници предупредија дека евентуално ново воведување санкции од страна на ЕУ и ОН, за Иран ќе претставува црвена линија која може да доведе до пропаст на договорот.
