Запален алармот во Барселона, Чави го напушта Ал Сад
Легендарниот капитен на Барселона и член на златната шпанска генерација, Чави Ернандез, се поизвесно е дека ќе ја заврши својата катарска одисеја каде го предводи Ал Сад.
Речиси сите реномирани медиуми од Блискиот исток ја пренесоа оваа оваа информација која се чини дека највеќе ќе ги израдува навивачите на Барселона.
Чави беше голема желба за решение на тренерската клупа на претходниот претседател Хосеп Марија Бартомеу, а во последно време го привлекува вниманието и на актуелната управа предводена од Жоан Лапорта.
Од друга страна, Чави Ернандез за време на кампањата за претседателските избори беше тивок, но пред гласањето му даде поддршка токму на Лапорта.
Не е никаква тајна дека Лапорта го сака Чави на клупата на Барселона и ќе направи се за да го донесе, и се поизвесно е дека на лето може да се реализира оваа идеја, бидејќи шпанските медиуми не веруваат дека Роналд Куман ќе остане на клупата на каталонскиот тим доколку не ја освои титулата во Ла Лига.