Заканата од Јувентус е сфатена сериозно: Ливерпул подготвува нов богат договор за Ван Дајк
Лидерот во Премиер лигата подготвува нов договор за Вирџил вам Дајк, пишува англискиот весник „Индепендент“.
Веста од викендот која ја пласираше таблоидот „Сан“ дека Јувентус подготвил 150 милиони евра за купување на одличниот дефанзивец на Ливерпул, Вирџил ван Дајк, донесе експресна реакција на англискиот клуб.
– Ван Дајк стана европски и светски шампион со Ливерпул, а ќе ја освои и Премиер лигата оваа сезона. Исто така, тој долги години игра во Англија па лесно може да се случи по завршување на сезоната да побара нов предизвик. Затоа во Јувентус веруваат дека по одличниот период во Ливерпул, Ван Дајк ќе биде подготвен за нови предизвици – изјави анонимен извор за весникот.
Актуелниот договор на Ван Дајк со Ливерпул е со важност до 2023 година, но челниците на „црвените“ подготвија нов договор за одличниот дефанзивец вреден 235.000 евра неделна плата или 12 милиони евра по сезона, тврди „Индепендент“.