Заев соопшти кои фунционери ќе си заминат
Премиерот Зоран Заев на денешната седница на Владата ќе предложи разрешување на голем број директори и членови на управни и надзорни одбори на јавни претпријатија. Меѓу нив се директорите на МЕПСО, ЕСМ и Македонија пат.
За разрешување, Заев ќе ги предложи директорот на МЕПСО Сашо Василевски, директорот на Електрани на Северна Македонија Драган Миновски, директорот на Македонија пат Гајур Кадриу, директорката на Клиниката за детски болести Катерина Ставриќ, директорката на Драмски театар Викторија Рангелова, директорот на МАЛМЕД Ќахил Ибраими, директорот на Архив Кирил Петров и директорот на Здравствен дом Скопје Злате Мехмедовиќ, директорот на ЈП Железници и инфраструктура, директорот на Завод за заштита на споменици Охрид, директорот на Заводот за рехабилитација Бања Банко.
Причините за разрешувањето, како што рече Заев, се различни, нереализација на капитални инвестиции, недоволна транспарентност, непочитување на препораки, слаб менаџмент. На некои ќе им бидат понудени нови функции.