Заев, Филипче и Николовски казнети за прекршоци во сообраќајот (ФОТО+ВИДЕО)
За сторен сообраќаен прекршок, неносење заштитна кацига, МВР ги казни премиерот Зоран Заев, вицепремиерот Љупчо Николовски и министерот Венко Филипче.
Изминатите два дена на социјалните мрежи се споделуваше видео на кое се гледа како премиерот Зоран Заев не носи заштитна кацига додека управува со мотор, а позади него седи Љупчо Николовски, додека Венко Филипче ги следи управувајќи со друг мотор.
Видеото поттикна лавина реакции на социјалните мрежи, а граѓаните коментираа дека само високите државни функционери не плаќаат казни за сторени прекршоци во сообраќајот и прашуваа дали законите важат за сите.
Сепак, Министерството за внатрешни работи ги казни со парична казна, а Centar.mk ги објави нивните прекршочни налози од МВР.
Премиерот Заев, вицепремиерот Николовски и министерот Филипче ќе треба да платат по 50 евра во денарска противредност, за сторен сообраќаен прекршок.