Сакате зачини и уживате во нив и нивните здравствени предности, но дали сте знаеле дека цената на шафранот се движи и до 3.000 долари по килограм, па се смета за најскап зачин на светот?

Шафранот се бере исклучиво рачно. Најголеми производители на шафран се Шпанија и Иран (повеќе од 80 отсто од светското производство). Во Иран го нарекуваат „црвено злато“. Во Европа тој се произведува на подрачjето на Медитеранот.

Има бројни здравствени предности, а само некои од нив се: ублажување на симптомите на депресија, подобрување на способностите на помнење и концентрација, одржување на здравјето на очите, намалување на нивоата на шеќерот во крвта итн.

Во него се наоѓаат и картенодити кои се ефикасни во борбата против настанување на клетките на ракот. Шафранот има интензивен мирис и благо-горчлив вкус. Само една четвртина лажичка од ова растение доволна е за на јадењето да му даде арома и боја. Се продава во мошне мали количини.

Меѓутоа, треба да се има предвид дека треба да се биде претпазлив со употребата на шафранот. Имено, сигурната дневна количина за консумирање од ова растение е 1,5 грама. Пет грама дејствуваат токсично, 10 предизвикуваат спонтан абортус кај трудниците, а 20 може да предизвикаат смрт.