Вработена на луксузен брод за крстарење покажа во каква минијатурна кабина живее
Можеби е најголемиот и најубавиот брод за крстарење во светот, но кога станува збор за кабините на екипажот, тие се сè само не големи, вели Кејли во своето видео што го објави на „ТикТок“.
Таа моментално живее и работи на крузерот „Wonder of the Seas“ на компанијата „Royal Caribbean“. Кејли редовно го документира својот живот на бродот споделува видеа и фотографии на социјалните мрежи. Нејзината работа на бродот е да ги анимира гостите и нивните деца.
View this post on Instagram
Во едно од видеата таа ја покажа собата што ја дели со друг вработен на бродот и таа е навистина минијатурна и клаустрифибична. Имаат кревет на спрат, мала бања, гардеробер кој речиси ништо не собира, прозорци секако, нема – тие се резервирани за гостите кои скапо го плаќаат своето крстарење.
„Бањата е толку мала што во исто време можете да си ги миете забите над мијалникот, да се туширате и да вршите нужда“, се пошегува таа и додаде дека, иако живеат на мал простор, таа и нејзината колешка добро се снаоѓаат и се задоволни.
Во еден дел од кабината се наоѓаат елеците за спасување на кои ги ставаат своите чанти, а под телевизорот има мал простор каде чуваат вотка и грицки. Кејли спие на долниот кревет, а нејзината цимерка Пем на горниот кревет. Имаат и мал фрижидер.
Кејли, вели дека сè уште е во шок што успеала да ја смести целата нејзина облека и други најосновни работи во многу мал плакар. Работењето на брод, како што вели, има многу убави страни. Покрај тоа што заработува пари и запознава многу нови луѓе, таа успева и да истражува прекрасни места каде што се закотвува. На бродот, таа има пристап и до теретана за екипажот, каде што редовно вежба.
„Можеме да ја користиме и теретаната за гости, но понекогаш теретаната на екипажот е потивка“, пренесува „The Sun“ каде можете да го погледнете и видеото на Кејли.
Погледнете како изгледа брод за крстарење:
Крузерот „Wonder of the Seas“ моментално е најголемиот во светот и ги носи своите патници низ Карибите и Медитерано. Бродот е долг 362,04 метри, може да прими речиси 7.000 патници. На бродот за крстарење фиксно живеат 2300 членови на екипажот. „Wonde of the Seas“ има 20 ресторани, 4 базени, 2867 кабини, сала со 1400 седишта, воден парк за деца, детско игралиште, лизгалиште, симулатор за сурфање, кошаркарско игралиште со целосна големина, две вештачки карпи за качување и слично. На браодот има повеќе од 10.000 вистински растенија, кои редовно се наводнуваат и се средуваат.
