Во земјата на луксузот и парите дури 70 отсто од компаниите ќе стават клуч на врата
Економијата на Дубаи, која е најдиверзифицирана и најнезависна од приходите од нафтата во Персискиот залив, се потпира на секторите угостителство, туризам, забава, логистика, недвижности и малопродажба.
Запрепастувачки 70 проценти од компаниите во Дубаи очекуваат дека во наредните шест месеци ќе ги затворат своите бизниси, бидејќи пандемијата од Ковид – 19 и мерките за ограничување на движење воведени поради вирусот ја намалија побарувачката, покажуваат резултатите од најновото истражување, објавено денеска, спроведено од Економската комора на Дубаи.
Институцијата анкетурала 1.228 генерални директори во голем број сектори во периодот од 16. до 22. април, за време на најригорозните мерки за ограничување на движењето на луѓето, а дури три четвртини од анкетираните биле мали претпријатија со помалку од 20 вработени, пренесува „Си Ен Би Си“.
Повеќе од две третини од испитаниците сметаат дека се под закана на умерен или висок ризик да стават клуч на своите бизниси во наредните шест месеци. Поточно, околу 27 проценти рекле дека очекуваат дека ќе ги затворат фирмите наредниот месец, а 43 отсто дека тоа би го сториле во наредните шест месеци.
Економијата на Дубаи, која е најдиверзифицирана и најнезависна од приходите од нафтата во Персискиот залив, се потпира на секторите угостителство, туризам, забава, логистика, недвижности и малопродажба.
Хотелите и рестораните во оваа земја имаат висока репутација, а речиси половина од нив, кои се нашле во анкетата на комората, очекуваат дека ќе престанат со работа веќе наредниот месец.
Портпаролот на Комората сепак вели дека анкетата е спроведена на 1.228 компании од вкупно 245 илјади и тоа во временски период кога рестриктивните мерки беа најстроги, и дека нивните ставови се базирале врз очекувањата дека најстрогата фаза на рестриктивни мерки ќе биде продолжена.
Портпаролот на Комората сепак вели дека анкетата е спроведена на 1.228 компании од вкупно 245 илјади и тоа во временски период кога рестриктивните мерки беа најстроги, и дека нивните ставови се базирале врз очекувањата дека најстрогата фаза на рестриктивни мерки ќе биде продолжена.