Во САД регистрирани милион случаи на новозаболени од Ковид-19 во еден ден
САД потврдија речиси милион нови случаи на коронавирус во понеделникот, што е најмногу во светот и речиси двојно поголем од бројот постигнат минатата недела, додека високо заразната варијанта омикрон не покажува знаци на забавување.
Просечниот број на смртни случаи од Ковид-19 во САД сè уште е прилично стабилен и се движи околу 1.300 дневно.
Белата куќа вчера соопшти дека администрацијата на претседателот Џо Бајден ги финализира договорите за 500 милиони брзи тестови за коронавирус кои планира да им ги подели бесплатно на Американците со цел да се намали притисокот врз местата за тестирање.
Дополнително, администрацијата двојно ја зголеми нарачката за антивирусен лек на Фајзер против Ковид-19.
>Здравствените власти нагласуваат дека вакцинациите и дополнителните дози остануваат најдобриот начин да се избегнат тешките форми на болеста