Во Италија би ги „убиле“ Покетино и Клоп
Роберто Манчини, селекторот на Италија и поранешен тренер на Манчестер сити, е убеден дека тренерите на Тотенхен и на Ливерпул имаат среќа што работат во Англија.
Маурицио Покетино пет години е предводник на Тотенхем и досега нема освоено ниту еден трофеј, Јирген Клоп на клупата на Ливерпул се наоѓа три и пол години и најголем успех му се финалињата во Лигата на шампионите и Лигата на Европа.
Според Манчини, во Серија А, нема теоретски шанси тренер на врвна екипа да ја задржи функцијата пет години доколку не освои никаков трофеј.
– Погледнете ја кариерата на Покетино. Во Тотенхем е пет години, има одличен тим, а не освои ништо. Во Италија би го „убиле“. Истото се однесува и за Клоп. Во Италија од тренерите постојано се бара освојување на трофеи – изјави Манчини.