Во дербито на Западот, Леброн подобар од Харден и Вестбрук (ВИДЕО)
ЛА Лејкерс останува најдобат тим во Западната конференција со скор од 34 победи и осум порази.
Лос Анџелес Лејкерс во дербито на вечерта со 124:115 го совлада Хјустон рокетс благодарение на пресвртот во третата четвртина, а во главната улога беше Леброн Џејмс.
Лејкерси имаа негатива од шест поени на полувремето, но резултатот го свртеа во своја корист во третиот дел кој го добија со 32:17. Џејмс натпреварот го заврши со 31 поен и 12 скокови, но во финишот ги натера навивачите во Хјустон да му скандираат „МВП“.
Gritaram MVP para O LEBRON JAMES EM HOUSTON.
EM HOUSTON. pic.twitter.com/evWBIcD0nI
— Matchup Brasil ?? (@MatchupBR) January 19, 2020
Кајл Кузма даде 23 поени, додека Дени Грин и Кентавиус Калдвел-Поуп завршија со по 20 постигнати поени. Кај Хјустон, Расел Вестбрук постигна 35, а Харден 34 поени кои се покажаа како недоволни за триумф.
Во Источната конференвија, Јанис Адетокумпо со 29 поени и 12 скокови го предводеше Милвоки до победата од 117:97 над Бруклин. На спортивната страна, Кајри Ирвинг постигна 17 поени.
Феникс санс направи вистинско изненандување со триумфот кај Бостон селтикс од 123:119. Најзаслужен за победата беше Девин Букер кој даде 39 поени и имаше 10 скокови, додека во редовите на Бостон најпрецизен беше Маркус Смарт со 37 поени.
Резултати:
Њу Орлеанс – ЛА Клиперс 130: 133
Бруклин – Милвоки 97: 117
Бостон – Феникс 119: 123
Атланта – Детроит 103: 136
Њујорк – Филаделфија 87:90
Чикаго – Кливленд 118:116
Минесота – Торонто 112:122
Хјустон – ЛА Лејкерс 115:124
Голден Стејт – Орландо 109: 95
Оклахома – Портланд 119: 106
Јута – Сакраменто 123: 101