Македонија со Заев е убедливо на дното по странски инвестиции, од два до четири и пол пати помалку од соседите, истакнуваат од ВМРО-ДПМНЕ.

– Заклучно со месец септември 2020 година, во Македонија има помалку странски директни инвестиции во споредба со Србија, Бугарија и Албанија. По глава на жител, за девет месеци минатата година во Македонија влегле 58 евра, во Бугарија речиси двојно, а во Албанија и Србија четири и пол пати повеќе. Ова покажува каква неспособна и криминална власт ја води државата, поради која странските инвеститори бегаат. Не може да се вадат дека корона-кризата е причина за нивото на странски инвестиции, бидејќи корона криза имаа и соседните земји, а кај нив странските директни инвестиции се два до 4 и пол пати повеќе по глава на жител, обвинува опозициската партија во дописот.

Главна причина за отсуство на инвестиции во една земја, според опозицијата, е корупцијата и криминалот на власта.

– Заради криминалната власт која секој ден се богати, народот осиромашува. Поради криминалната власт се задолживме за над милијарда евра нов долг за неколку месеци, а истовремено 54.000 лица останаа без работа. Со Заев, Македонија стана најнесреќната, најсиромашната и најкорумпираната држава во Европа, се вели во соопштението на ВМРО-ДПМНЕ.