ВМРО-ДПМНЕ: Филипче не поседува доблест и одговорност и покрај 721 смртни случаи

Манипулацијата е единствена реторика што и остана на Владата во несправувањето со коронавирусот, а министерот за зараза е најнеспособниот министер за здравство во Европа на чија одговорност се над седумстотини починати граѓани. Министерот за смрт и ширење зараза веќе нема начини како да се оправда, кога повеќе под пола година ги манипулира граѓаните дека Владата добро се справува со пандемијата,а бројот на новозаболени и смртноста само растат, соопшти ВМРО-ДПМНЕ.

Партијата смета дека додека во нормалните европските земји министри си поднесуваат оставка со три пати помали бројки на новозаболени од коронавирус, нашиот министер за здравство не поседува никаква доблест, ниту пак морална одговорност за оставка и покрај 721 смртни случаи и 17,343 вкупно заболени граѓани.

Прочитајте и...  Разоткриена шемата за перење пари во ВМРО-ДПМНЕ, покрај Груевски осомничени уште 5 лица

– Вчерашните бројки од 346 починати лица на милион жители и 8,325 заболени граѓани на милион жители, говорат за рекордерство во регионот повеќе од шест месеци и комплетната неспособност во справување со вирусот. Македонија е единствена земја во Европа каде заболени од КОВИД19 не се примаат во болниците затоа што биле „стари луѓе” , а никаде ги нема најавените 16 монтажни болници чии постапки до сега требаше да се распишат, смета ВМРО-ДПМНЕ.

Тие констатираат дека здравствениот систем нема доволно капацитети, иако по изјавите на Филипче тие биле доволни, па сега нелогично се оневзможува хоспитализирање на новозаболени од коронавирус.

Министерот ниту има свест за да го чува здравјето на граѓаните, ниту пак смета дека е лично одговорен за повеќе од 720 починати лица во земјава. Министерот безмалку дрско предупредува дека ќе има втор бран на вирусот, кога Македонија сеуште не излегла од првиот бран. Не, граѓаните не се виновни што власта е неспособна да спроведе добри политики кои ќе ги заштитат од пандемијата, а згора на се се заканува со повторно воведување на полициски час. На безобразноста на Филипче и нема крај, па продолжува да се рекламира по медиумите за некакви проекти во здравството, кога новозаболени на кои им треба здравствена нега се испраќаат на лекување по дома, капацитетите не се доволни, монтажните болници ги нема, пациентите доживуваат трауми низ здравствениот хаос по болниците, а бројот на заболени и починати вртоглаво продолжува да расте, стои во соопштението испратено од Центарот за комуникации на ВМРО-ДПМНЕ.

Прочитајте и...  Кумот на Груевски спроведен во „Шутка“ (ГАЛЕРИЈА)

Поврзани вести

Неколку скопски општини утре ќе останат без струја

Слободен печат

ДУИ за Лајм најави нов конкурс за вработување, од 800 административци 640 ќе бидат Албанци

Илинка Иљоска

Хрватска: 890 новозаболени од ковид-19, починати 8 лица

Слободен печат

ВО ЖИВО: Обраќање на премиерот Заев и директорката на Институтот Јованова-Грујовска на научната конференција за македонскиот јазик

Слободен печат

Хуманитарен концерт: Интернационална екипа ќе свири за помош на колегата Игор Пармаковски

Слободен печат

Весковски: Водоснабдувањето е нормализирано, ваков дефект се појавува еднаш на 10 години

Слободен печат

Остави Коментар