Виландер: Новак сега има нова опсесија, не му е важно дали е прв или седми тенисер на светот
Легендарниот шведски тенисер Матс Виландер смета дека на Новак Ѓоковиќ не му е важен пласманот на АТП ранг-листата туку гренд слем титулите и победите на Вимблдон.
Ѓоковиќ во неделата ја освои седмата титула на Вимблдон, откако во финалето го совлада Ник Кирјос со 4:6, 6:3, 6:4, 7:6. Србинот со триумфот во неделата исто така стигна до 21. гренд слем титула.
Но, и покрај триумфот на Вимблдон, Ѓоковиќ падна на седмото место на АТП ранг-листата. АТП одлучи да не го бодува Вимблдон, бидејќи организаторите им забранија учество на руските и белоруските тенисери поради војната во Украина.
– За Ѓоковиќ мислам дека не прави разлика дали е прв или седми тенисер во светот. На него му се важни титулите на Вимблдон и гренд слем трофеите. И да биде најдобар во историјата – изјави Виландер.
