Неверојатен инцидент се случил во саботата во грчкиот град Волос при што семејство направило погреб на старица за која дури другиот ден се утврдило дека не е нивната баба туку сосема друга жена.

Имено, во саботата погребот се одржал црквата Агиос Георгиос Јолкос во присуство на роднини и пријатели. Во еден момент, за време на погребот, внуката на починатата забележала дека покојната во ковчегот не личи на нејзината баба и пријавила кај нејзините роднини. Тие, од своја страна, ја уверувале дека греши велејќи и дека кога некој ќе умре, неговиот личен опис се менува. Потоа следувал погребот на гробиштата „Кукос“ во Волос, без никаков друг приговор.

Во недела наутро, пак, кога работниците од погребалната служба отишле да ја земат 97-годишна старица од мртовечницата на болницата во Волос за да ја погребаат, телото не успеале да го најдат и покрај тоа што ги проверувале ливчињата оставени на починатите и ја откриле ја грешката што е направена.

Како што е утврдено, телото на жената која во саботата е „погребана“, се уште било на своето место во ладилникот во мртовечницата.

Во информацијата по полициската истрага се наведува дека во мртовечницата на болницата „Ахилопулеј“ вработен ја сменил положбата на починатите во разладните комори, без да ја ажурира книгата и без да стави ознака на еден труп.

Останале шокирани роднините на двете семејства откако и семејството на 82-годишнита жена откриле дека таа е веќе закопна од другото семејство.

Според информациите, во тек се разговори меѓу двете погребални служби и двете семејства за да не се ексхумира 82-годишната, туку нејзините роднини да отидат на нејзиниот гроб и да направат само молитва во нејзин спомен и да го сменат надгробниот натпис, додека вториот погреб ќе се одржи денес, понеделник.