ВИДЕО | Ужасни пожари во Грција: Осумнаесет јагленосани тела откриени во регионот на Еврос
Осумнаесет јагленосани тела се откриени во регионот на Еврос, северно од Александрополис, Грција, додека во регионот гори огромен шумски пожар.
Препорачано
Пожарникарите кои ги открија телата во близина на селото Дадиа, североисточно од Александрополис, велат дека тие припаѓаат на илегални мигранти кои неодамна ја преминале границата со Турција. Портпаролот на противпожарната служба Јанис Артопио потврди дека се пронајдени 18 тела и дека најверојатно станува збор за илегални имигранти.
Полицијата објави дека со оглед на тоа што нема извештаи за исчезнати лица, претпоставува дека жртвите се имигранти. Засега не е позната националноста на жртвите. Областа Дадиа, која се наоѓа во национален парк, е позната како омилена рута на илегалните имигранти.
Dozens of fires have broken out across Greece over the weekend.
Extreme fire risk warnings have been issued for several regions in southern Greece, including around Athens. pic.twitter.com/UqVVaWZW9j
— Citizen Free Press (@CitizenFreePres) August 22, 2023
Регионот Еврос е во пламен веќе четири дена. Главната болница во Александрополис беше евакуирана рано изутринава, откако шумските пожари го зафатија крајбрежниот град во близина на границата со Турција.
??? Many firefighting planes and helicopters were sent to the Alexandroupolis region in Greece, where the fires are high. I hope the fire is extinguished soon#φωτια #Αλεξανδρούπολη #Greece #φωτιές pic.twitter.com/9blkKBvQKr
— Eren ??? (@Eren50855570) August 22, 2023
Десетици пациенти придружувани од лекари и медицински сестри се префрлени како мерка на претпазливост на траект закотвен на пристаништето. Пациентите закачени за боци со кислород лежеа на душеци на палубите на брод претворен во болнички одделенија. На брегот беа подигнати и шатори, информираат локални медиуми.
