После високиот триумф на Манчестер сити во дербито против Ливерпул, и составот на Арсенал исто така беше убедлив откако на домашен терен со 4:1 го совлада Лидс во 29 коло од Премиер лигата.

После првото полувреме на стадионот „Емирати“ во Лондон водеше Арсенал со погодокот на Жезус од пенал во 35 минута. Потоа, во 47 минута Вајт ја зголеми позитивата, а за 3:0 се погрижи Жезус со својот втор гол на мечот.

Лидс успеа да намали во 76 минута преку Кристенсен, а конечниот епилог го постави Џака во 84 минута по асистенцијата на Одегард.

Во останатите мечеви: Бурнмаут – Фулам 2:1, Брајтон – Брентфорд 3:3, Кристал палас – Лестер 2:1, Нотингем – Вулверхемптон 1:1.

Играчите на Микел Артета повторно се на „плус осум“ бодови предност во однос на второпласираниот Манчестер сити кој има еден натпревар помалку. Лидс и натаму игра доста променливо во борбата за опстанок, моментно е на 16 позиција со 26 бодови.