ВИДЕО: Ливерпул само го налути Манчестер сити, „граѓаните“ не се откажуваат од титулата
Во рамките од 29 коло во Премиер лигата во дербито составот на Манчестер сити убедливо со 4:1 го совлада Ливерпул.
После првото полувреме на стадионот „Етихад“ во Манчестер имаше по еден гол на двете страни.
„Црвените“ стекнаа водство во 17 минута преку Салах, а за „граѓаните“ израмни Алварез во 27 минута.
На стартот од вториот дел Де Брујне се погрижи за прва позитива на Сити, во 53 минута веќе беше 3:1 по погодокот на Гундоган, а конечниот епилог го постави Грилиш (74`).
На табелата води Арсенал со 69 бодови, пет повеќе од Манчестер сити, а Ливерпул после деветтиот пораз, втор по ред, се наоѓа на шестата позиција со 42 бодови.