Фудбалерите на Штутгарт изминатите две сезони во германскиот шампионат воглавно водеа борба за опстанок, лани мораше да игра дури бараж за да остане во елитата. А сезонава е вистинско изненадување по осум одиграни кола со учинок од седум победи и само еден пораз.

Играчите на Себастијан Хенес на гости денеска го урнаа учесникот во ЛШ Унион Берлин со резултат 0:3. Стрелци на головите беа Гираси (16`), Силас (81`) и Ундав (88`).

Баер Леверкузен ја забележа и четвртата бундеслигашка победа откако со 1:2 славеше над Волфсбург. Фримпонг донесе водство за гостите во 13 минута, потоа непосредно пред паузата израмни Лакроа, а Грималдо го постави конечниот епилог.

Актуелниот шампион Баерн Минхен ја оправда фаворитската улога на гостувањето кај Мајнц (1:3). За баварскиот гигант стрелци беа Коман (11`), Кејн (16`) и Горецка (59`), а кај домаќините Каси (43`) пред крајот на првото полувреме.

Во другите мечеви од саботната програма: Дармштадт – Лајпциг 1:3, Фрајбург – Бохум 2:1, Хофенхајм – Ајнтрахт Франкфурт 1:3.

Табела: Баер Леверкузен 22 бодови, Штутгарт 21, Баерн Минхен 20, Борусија Дортмунд 20, Лајпциг 17…