ВИДЕО | Што значи буквата „Z“ на руските воени возила и како стана симбол на поддршка за руската инвазија на Украина?
Откако започна инвазијата на 24 февруари, симпатизерите на владата ја употребија оваа буква, која не постои во кирилицата што се користи во Русија, за да покажат солидарност со воените сили кои се борат во соседната земја.
Симболот „Z“ првично беше забележан на руските тенкови и други воени возила кои влегуваа во Украина, но некои брзо го прифатија како знак на поддршка за руската инвазија на Украина, пишува Скај њуз.
Тешко болните деца во рускиот град Казан и нивните мајки стоеја надвор во снегот за да ја формираат буквата „Z“ и да покажат поддршка за инвазијата.
While #Russia uses terminally ill children for war propaganda (pictured, the “Z”), Israel evacuated 10 children with cancer from a #Kyiv hospital to the Schneider children’s hospital in #Israel #Ukraine pic.twitter.com/TLFiHmxmzY
— Emily Schrader – אמילי שריידר (@emilykschrader) March 9, 2022
Рускиот гимнастичар Иван Кулијак ќе биде под истрага на меѓународната федерација, бидејќи симболот го носеше на подиумот по третото место на натпреварувањето во Катар. Неговиот украински ривал Илја Ковтун го освои златниот медал.
Постојат различни мислења за изгледот на овој симбол
Некои велат дека „Z“ имплицира за „За победа“, други велат дека значи „Запад“.
Многумина зборуваат и за нејзината сличност со свастиката – симбол што го користела нацистичка Германија во Втората светска војна – за да и го дадат прекарот „Путиновата свастика“, пишува Скај њуз.
Според руската Газета, Министерството за одбрана на Русија го објасни значењето на латинските букви Z и V на руската воена опрема.
Тие наведуваат – дека буквата „Z“ значи „За победа“, а буквата „V“ – „Сила во вистината“ и „Задачата ќе биде завршена“.
Се наведува и дека „Z“ е начин руската армија да ги идентификува сопствените сили и на тој начин да спречи инциденти како што е таканаречениот „пријателски оган“.
Други извештаи велат дека симболите се начин да се означи потеклото на силите – на пример, некои изјавија дека „Z“ значи сили од источните области на Русија, додека „Z“ сместено во квадрат значи дека силите се испратени од полуостровот Крим, кој беше анектиран од Русија во 2014 година.
Буквата „V“ пак, според истите извори, значела дека се работи за силите на руската морнаничка пешадија.
Деновиве, симболот е забележан во Русија на автомобили, маици, комбиња, па дури и на социјалните мрежи на луѓе кои ја поддржуваат војната, додава Скај њуз.
Today a “Z” convoy was organized in #Russia to support the troops involved in the military operations in #Ukraine pic.twitter.com/TQJjEWQGm6
— The Eurasianist ☦️ (@Russ_Warrior) March 6, 2022
Why has the letter ‘Z’ been embraced by supporters of Russia’s war in Ukraine? pic.twitter.com/a7riFa19CM
— Al Jazeera English (@AJEnglish) March 9, 2022