ВИДЕО | Сејдини: Идолите на младите генерации го почнуваат походот кон ново Европско првенство
Македонската А репрезентација на 23 март во Скопје против Малта (20.45 часот) ќе ги започне квалификациите за пласман на Европското првенство 2024.
Потсетување дека билетите за овој дуел се веќе во продажба. Повеќе дознајте на официјалниот сајт на „МК Тикетс“.
Се комплетира нашата фудбалска селекција предводена од селекторот Благоја Милевски која денеска се дружеше со најмладите на ФФМ Тренинг центарот.
Дечињата имаа можност да добијат автограми и да се фотографираат со фудбалските репрезентативци.
– Многу детски насмевки, позитивна енергија, на тренингот на нашите златни момци. Идолите на младите генерации го почнуваат походот кон ново големо историско остварување, и ново Европско Првенство! А најмладите, најубаво знаат да ги пречекаат своите звезди, кои кај нив ги предизвикуваат најискрените насмевки – стои во фејсбук објавата на претседателот на Фудбалската федерација на Македонија, Муамед Сејдини.
