ВИДЕО: Рубљов во голем стил ја заврши успешната сезона!
Рускиот тенисер Андреј Рубљов го совлада денеска Доминик Тим во последното коло од групната фаза на завршниот мастерс турнир во Лондон.
Рубљов беше подобар од Австриецот во меч без резултатско значење. Русинот дојде до триумфот за еден час и 15 минути игра со 2:0 во сетови (6:2, 7:5).
За него ова беше прва победа, но од претходно остана без можност да се бори за пласман во наредната фаза. Иако елиминиран, Рубљов имаше успешна 2020 година, освојувајќи вкупно пет АТП титули.
? 5 ATP Titles
? Career-high ranking
?? First #NittoATPFinals winWell played, @AndreyRublev97 ?
?: @TennisTV
pic.twitter.com/K0RZCGC4zp— ATP Tour (@atptour) November 19, 2020
Вечерва од 21.00 часот во директен дуел Рафаел Надал и Стефанос Циципас ќе се борат за место во полуфиналните дуели од групата „Б“.
Тим во полуфиналето ќе игра против Новак Ѓоковиќ или Александар Зверев кои ќе се соочат в петок, а во втората полуфинална битка Данил Медведев ќе го чека подобриот од вечерашната пресметка помеѓу Надал и Циципас.