Со голот на Кристијано Роналдо и Џејдон Санчо во финишот од натпреварот, Манчестер јунајтед како гостин ја совлада екипата на Виљареал со 2:0 и го обезбеди пласманот во нокаут-фазата во Лигата на шампионите.

На дуелот во Шпанија на клупата на „црвените ѓаволи“ дебитираше Мајкл Керик кој е привремено решение после заминувањето на Оле Гунар Солскјер.

Под голем притисок беа играчите на Јунајтед после серијата лоши резултати во Премиер лигата, но предводени од Керик остварија триумф во Виљареал и се пласираа во осминафиналето на ЛШ.

Делуваше дека Англичаните на ова гостување дојдоа по бод, но ја консолидираа одбраната која во првите четири меча прими дури седум голови.

⏰ RESULTS ⏰

🔴 Bayern hold on to seal Group E top spot 👏
🔴 Cristiano Ronaldo & Jadon Sancho net as Manchester United book last-16 spot 👏

🔝 Who impressed you?#UCL

— UEFA Champions League (@ChampionsLeague) November 23, 2021

Во 78 минута беше реализиран првиот гол, Роналдо умешно ја искористи грешката на домашниот голман за негов шести погодок во натпреварувањето. Конечниот епилог го постави Санчо, кој од доаѓањето на „Олд Трафорд“ важеше за најголемо засилување на клубот, но тоа досега не го покажа во досегашниот дел од сезоната иако сега конечно се прослави со гол.

Во групата „Ф“ Јунајтед има 10 бодови, пред Виљареал со седум, а вечерва од 21.00 часот играат Јанг Бојс и Аталанта.

Баерн Минхен стигна и до петтата победа во групата „Е“ откако славеше во Украина над Динамо Киев (1:2). Баварците стигнаа до водство преку Роберт Левандовски кој со „ножички“ испиша историја во ЛШ. Позитивата ја зголеми Коман пред крајот на првото полувреме, а домаќините само го ублажија поразот преку Гармаш.