ВИДЕО: Пресврт на Белгија во режија на Де Брујне
Репрезентацијата на Белгија обезбеди пласман во осминафиналето на Евро 2020 откако во второто коло ја совлада Данска и тоа со пресврт.
Данците успеаја да се опорават од шокот од првото коло кога Кристијан Ериксен колабираше на теренот. Тие офанзивно тргнаа од самиот старт и веќе во втората минута поведоа преку Јусуф Поулсен. Ова воедно е вториот најбрз гол во историјата на Европските првенства.
Но, Данците не застанаа по постигнатиот гол, продолжија со нападите, создадоа неколку шанси но не успеаја уште еднаш да го совладаа Тибо Куртоа.
Во второто полувреме Белгија прави пресврт и тоа благодарение на Кевин Де Брујне кој само по 10 минути откако влезе му асистираше на Торган Азар за 1:1. Потоа во игра влегоа и Еден Азар и Аксел Витсел кои внесоа дополнителен ритам во играта на Белгија. Токму Азар учествуваше во постигнувањето на вториот гол, тој му асистираше на Де Брујне за 2:1, резултат кој на крајот се покажа како конечен.