Во терминот од 16:00 часот денес во Премиер лигата се одиграа три натпревари во кои се постигнаа дури 12 голови.

Ливерпул по ремито со Челси во првото коло, стигна и до првиот триумф  во сезоната откако денес беа подобри од Бормут со 3:1. Добро започнаа гостите по само три минути игра Семенјо ја погоди мрежата на Алисон за водство од 0:1.

Како што одминуваше вреемето Ливерпул стануваше поконкретен, а голот за изедначување во 28. минута го постигна Луис Диаз. Осум минути подоцна избраниците на Клоп добија најстрога казна, а одговорноста ја презема Салах.

Нето го одбрани ударот на Египќанецот, но по одбиената топка беше немоќен. На пауза Ливерпул замина со водство од 2:1. На стартот од вториот дел Мекалистер заработи црвен картон, меѓутоа и така Ливерпул постигна уште еден гол за победа од 3:1.

Брајтон одигра одлично на гостувањето кај Вулвс и славеше победа од 1:4. Се започан со фантастичниот гол на Митома по еден одличен соло продор во 15. минута. Во второто полувреме во листата на стрелци се запишаа Еступинан и Марч двапати. Голот за утеха за Вулвс беше дело на Хванг Хи-Чан.

Брентфорд во последниот натпревар беше сигурен и со 0:3 го совлада Фулам. И на овој натпревар како и на преостанатите два видовме исклучување. Рим од домашниот тим заработи втор жолт картон во 66. минута.