ВИДЕО: Прекрасен гол на Асенсио, Шпанија е вториот финалист во Токио
Репрезентациите на Бразил и Шпанија в сабота (7 август) од 13.30 часот по македонско време ќе се борат за златниот медал на фудбалскиот турнир на Летните олимписки игри во Токио.
Денеска во второто полуфинале Шпанија успеа во продолженија да го совлада домаќинот Јапонија со резултат 1:0.
Стрелец на единствениот гол беше играчот на Реал Мадрид, Марко Асенсио со еден убав погодок во 115 минута од средбата.
Претходно во регуларниот дел во 57 минута беше досуден пенал за Шпанците, но судијата Кевин Ортега одлучи да ја поништи својата одлука после ВАР снимката.
MARCO ASENSIO WHAT A GOAL🔥
Spain (-190 To Advance) take the lead in extra time!🇪🇸 pic.twitter.com/WO4gc7q23O
— PointsBet Sportsbook (@PointsBetUSA) August 3, 2021
Во самиот финиш, во 88 и 91 минута Рафаел Мир и Ојарзабал имаа одлични шанси, но јапонскиот голман добро реагираше и во двете ситуации.
В петок од 13.00 часот Јапонците во борбата за бронзата ќе ги одмерат силите против селекцијата на Мексико.
Бразил ќе го брани златото: „Кариоките“ во пенал рулетот подобри од Мексико