ВИДЕО: Нов предизвик на Тик-Ток, неодговорен возач вози во спротивна лента во Ѓорче

На социјалната мрежа „Тик-Ток“  се појави видео од еден неодговорен возач кој вози во спротивната лента на булеварот во Ѓорче Петров  додека останатите возила го одбегнуваат.

На снимката може да се види како тој на главната улица во скопската населба Ѓорче Петров ги заобиколува возилата кои возат во својата лента и во одредената насока на движење.

Граѓаните на социјалните мрежи побараа реакција од министерот за внатрешни работи, Оливер Спасовски, како и од самото МВР.

Инаку ова не е единствен прекршок што ова лице го направило. Иако конкретната снимка од Ѓорче Петров во моментов не е видлива на ТикТок-профилот именуван 77shpetim77, присутни се други видеа на кои се гледа како ова лице вози со брзина од 180 километри на час на скопскиот булевар „Партизанска“, но и други снимки на кои брзината достигнува и до 250 километри на час.

Видео на денот