ВИДЕО: Несторовски е херојот на Удинезе, стрелаше за триумф над Фиорентина!
Денеска во рамките од 24 коло во Серија А составот на Удинезе на домашен терен со 1:0 триумфираше против Фиорентина.
На „Дачија“ Арената во Удине стрелец на единствениот гол беше македонскиот репрезентативец Илија Несторовски во 86 минута со глава ја смести топката во противничката мрежа после прекрасната асистенција на Де Пол.
Нашиот играч кој го одигра целиот натпревар за домаќините го запиша својот вториот гол сезонава во шампионатот, претходно стрелаше и против Торино.
Интер дома со 3:0 беше убедлив над Џенова, головите ги реализираа Лукаку, Дармијан и Санчез. За гостите од 62 минута против својот поранешен клуб настапи Горан Пандев како замена за Скамака.
На табелата Џенова е на 13 позиција со 26 бодови, два помалку од Удинезе на 12 место. Во оваа рунда се одиграа уште два меча, Кротоне загуби дома од Каљари (0:2), додека Аталанта со истиот резултат славеше кај Сампдорија.