Кога работите стануваат тешки додека сте на работното место, во врската или бракот, секој совет за намалување на анксиозноста и стресот е добредојден. Научници открија песна, мелодија која го намалува стресот за 65%. Невролози од Велика Британија истражувале кои мелодии ќе ве смират доколку сте возменирени или анксиозни.

Студијата е спроведена на учесници кои се обиделе да решат тешки загатки што е можно побрзо, додека биле поврзани со сензори. Загатките предизвикале одредено ниво на стрес, а учесниците слушале различни песни, додека истражувачите ја мереле мозочната активност, како и физиолошките состојби како пулсот, крвниот притисок и дишењето.

Според д-р Дејвид Луис Хоџсон, кој го спровел истражувањето, една песна создала поголема состојба на релаксација од која било друга музика која ја тестирале.

Слушањето на композицијата „Weightless“ на британскиот амбиентален бенд „Маркони Јунион“, специјално создадена за да го намали стресот, резултирала со неверојатно намалување на вкупната вознемиреност на учесниците за 65 проценти и намалување на стапките на физиолошки стрес за 35 проценти.

Групата што ја создала песната, Маркони Унион, го сторила тоа во соработка со звучни терапевти. Неговата внимателно подредена хармонија, ритам и бас-линии помагаат во забавување на пулсот на слушателот, го намалуваат крвниот притисок и пониските нивоа на стрес – хормонот кортизол.

Песната е толку ефективна, што повеќето луѓе вклучени во истражувањето се опуштиле до тој степен што почнало да им се приспива, па затоа се препорачува додека ја слушаат песната да не управуваат со моторно возило или да прават работи кои бараат концентрација и одговорност.