ВИДЕО: На отворањето на грандиозниот стадион 20.000 луѓе, сите негативни на ковид-19!
Овој нов стадион на кој исто така ќе се играат натпреварите на следното Светско првенство во Катар 2022, прима 40 000 гледачи и дефинитивно остава без здив!
Стадионот „Ал-Рајан“, еден од симболите на СП 2022 година во оваа земја, беше официјално отворен во Катар во петокот и изгледа фантастично!
На церемонијата присуствуваа 20 000 гледачи, што е најмасовна манифестација во таа земја од избувнувањето на пандемијата на коронавирусот, а сите гледачи мораа да добијат негативен тест за коронавирусот пред да влезат на стадионот.
На свеченото отворање присуствуваа катарскиот емир Тамим бин Хамад ал-Тани, претседателот на ФИФА, Џани Инфантино и претседателот на Азискиот олимписки комитет, шеикот Ахмад ал-Фахад, а по отворањето, на стадионот беше одиграно финалето на „Купот Емир“ меѓу Ал-Сад и Ал-Араби, кое заврши со резултат 2:1.
The newly inaugurated Ahmad Bin Ali Stadium lights up the sky during an amazing #AmirCup Final night! ? pic.twitter.com/1sADVNvgDm
— Road to 2022 (@roadto2022en) December 18, 2020
البث المباشر لحفل تدشين ملعب الريان المونديالي https://t.co/lmxMg2ssd8
— Road to 2022 (@roadto2022) December 18, 2020
ICYMI: ?? A spectacular celebration on display last night at Ahmad Bin Ali Stadium! pic.twitter.com/d3sq3Sm2tC
— Road to 2022 (@roadto2022en) December 19, 2020
На стадионот „Ал-Рајан“, кој може да собере 40.000 гледачи и се наоѓа на 24 километри западно од главниот град Доха, ќе се одиграат седум натпревари на СП до осминафиналето.
Во Катар, која ќе биде прва земја од Блискиот исток, домаќин на Мундијал, и покрај пандемијата на коронавирусот, продолжува да се работи на изградба на стадиони, подземни железници, зголемување на капацитетите на хотелите и друга неопходна инфраструктура како дел од подготовките за организирање на Светското првенство.
СП на кое ќе учествуваат 32 репрезентации ќе започне на 21 ноември и заврши на 18 декември 2022 година на Денот на државноста на Катар.
ВИДЕО: Катар со уште еден прекрасен стадион, „вселенски брод“, како гигантски телевизор!