ВИДЕО | На Филаделфија не и оди без Ембид, Голден Стејт и без расположен Кари лесно до победа
Најдобриот играч во НБА лигата минатата сезона, Жоел Ембид подолго време ќе отсуствува од терените, а без него Филаделфија е како некоја друга екипа.
Од неговата повреда на 31-ви јануари, Филаделфија одигра четири меча и во првиот победи, а потоа претрпе три порази и тоа убедливи. Изминатата вечер на свој терен беа поразени од Голден Стејт со 104:127, па така и во прашање го доведоа директниот пласман во плејинот, бидејќи Мајами кој е седмопласиран заостанува само две победи зад Филаделфија која е петта.
Се држеше Филаделфија некако во првата четвртина, но Вориорс вториот и третиот период ги добија со вкупен резултат 76:46 и така го решија прашањето на победникот. Во еден момент предноста на Филаделфија беше и 30 поени разлика. Голден Стејт и по оваа победа и понатаму е надвор од плејин зоната, тие се на 11-то место со учинок од 23 победи и 25 порази.
Стеф Кари одигра натпревар под своите стандарди и средбата ја заврши со само девет поени за 25 минути игра. Вигинс беше најефгикасниот со 21 поен и 10 скока. Куаминга и Томпсон постигнаа по 18. Кансил за Филаделфија уфрли 18.
НБА РЕЗУЛТАТИ:
Шарлот – Торонто 117-123
Вашингтон – Кливленд 106-114
Бостон – Атланта 125-117
Мајами – Сан Антонио 116-104
Филаделфија – Голден Стејт 104-127
ЛА Клиперс – Њу Орлеанс 106-117
Сакраменто – Детроит 120-133