ПСЖ фуриозно ја започна одбраната на титулата во Лига 1, во првите две кола ги почести противниците со по пет гола, последна жртва е Монпелје кој е совладан со 5:2.

Нејмар постигна два гола, Мбапе даде еден, исто како и новото засилување Ренато Санчез, додека резултатот беше отворен со автогол, но медиумите за медиумите поинтересно е однесувањето на Мбапе.

Килијан Мбапе летово потпиша нов договор со ПСЖ со кој доби големи овластувања, француските медиуми пишуваа дека сите трансфери мора да добијат негова согласност, а сега на теренот се однесуваше како разгалена ѕвезда кога соиграчите не му додадоа топка.

Имено, летното засилување Витиња започна контранапад, на левата страна беше Мбапе кој бараше да му биде додадена топката, но Лионел Меси трчаше од десната страна и беше поблиску до Португалецот. Витиња му ја додаде топката на Меси, додека Мбапе демонстративно застана на средина на теренот.

Se é o Neymar, Messi ou o CR7 que faz isso que o Mbappé fez, o mundo desabava!
O francês virou de costa pro lance, nem sequer foi pro ataque e olhe que era capaz até de fazer o gol.
Quero ver se o Galtier é bom treinador mesmo agora!
pic.twitter.com/DeFSrcEhoB

— Mário Kempes (@kempao) August 13, 2022