ВИДЕО: Мајами хит е првиот финалист во Источната конференција
Пласман во финалето на Источната конференција во НБА плеј-офот први обезбедија играчите на Мајами хит. Екипата од Флорида во шестиот натпревар го совлада Њујорк со 96:92 за триумф од 4:2 во серијата.
Иако Никси во првата четвртина стекнаа 14 поени предност (31:17), на паузата Мајами замина со минимална позитива од 51:50.
Њујорк ги одржуваше шансите до финишот на средбата, поточно на 35 секунди пред крајот, при водство на Мајами од 92:90. Никси имаа и напад, но не го искористија. Потоа, Џими Батлер реализираше два слободни фрлаа и го реши натпреварот.
Мајами по третпат во последните четири години се наоѓа во финалето на Истокот. За „жешките“ најефикасен беше Батлер со 24 поени, еден помалку Бем Адебајо, а Макс Штрус се истакна со 14 поени.
На спротивната страна Џејлен Брансон доминираше со 41 поени, следен од Џулијус Рендл кој имаше „дабл-дабл“ учинок од 15 поени и 11 скока.
Мајами во финалето на Истокот ќе игра против Филаделфија сиксерс или Бостон селтикс во чија серија моментно резултатот е 3:3.
ВИДЕО | Joкиќ по пласманот во конференциското финале: Не можев ниту да замислам дека ќе играм во НБА